ឯកឧត្តម លី ច័ន្ទតុលា រដ្ឋលេខាធិការទីស្តីការគណៈរដ្ឋមន្ត្រី អនុប្រធាន និងជាអគ្គលេខាធិការនៃ គណៈកម្មាធិការដឹកនាំការកែទម្រង់ច្បាប់ (គ.ក.ច.) បានចាត់តាំង ឯកឧត្តម សោម គន្ធា អគ្គលេខាធិការរងគណៈកម្មាធិការដឹកនាំការកែទម្រង់ អញ្ជើញចូលរួមកិច្ចប្រជុំផ្សព្វផ្សាយ និងណែនាំអំពីការបង្កើតគម្រោងអភិវឌ្ឍន៍សមត្ថភាពនវានុវត្តន៍និងសូចនាករឱ្យបានច្បាស់លាស់ដែលឆ្លើយតបនឹងបញ្ហាប្រឈមជាកស្ដែងនៅក្នុងអង្គភាពនីមួយៗ។
នាព្រឹកថ្ងៃពុធ ១១កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៧ ខែឧសភា ឆ្នាំ២០២៦ ទីស្ដីការគណៈរដ្ឋមន្រ្តី ឯកឧត្តម លី ច័ន្ទតុលា រដ្ឋលេខាធិការទីស្តីការគណៈរដ្ឋមន្ត្រី អនុប្រធាន និងជាអគ្គលេខាធិការនៃ គណៈកម្មាធិការដឹកនាំការកែទម្រង់ច្បាប់ (គ.ក.ច.) បានចាត់តាំង ឯកឧត្តម សោម គន្ធា អគ្គលេខាធិការរងគណៈកម្មាធិការដឹកនាំការកែទម្រង់អមដោយ លោក គួយ ស្គុះស្តែន អនុប្រធាននាយកដ្ឋានរដ្ឋបាល និងហិរញ្ញកិច្ច (អ.គ.ក.ច) និងអ្នកជំនាញការច្បាប់នៃអគ្គលេខាធិការដ្ឋានគណៈកម្មាធិការដឹកនាំការកែទម្រង់ច្បាប់ អញ្ជើញចូលរួមកិច្ចប្រជុំផ្សព្វផ្សាយ និងណែនាំអំពីការបង្កើតគម្រោងអភិវឌ្ឍន៍សមត្ថភាពនវានុវត្តន៍និងសូចនាករឱ្យបានច្បាស់លាស់ដែលឆ្លើយតបនឹងបញ្ហាប្រឈមជាកស្ដែងនៅក្នុងអង្គភាពនីមួយៗ ក្រោមអធិបតីភាពឯកឧត្តម ឆែម គាតរិទ្ធី ទេសរដ្ឋមន្រ្តីទទួលបន្ទុកបេសកកម្មពិសេស និងជាប្រធានក្រុមប្រឹក្សាសេដ្ឋកិច្ច សង្គមកិច្ច និងវប្បធម៌។ កិច្ចប្រជុំនេះ រៀបចំឡើងក្នុងគោលបំណងផ្សព្វផ្សាយ និងណែនាំអំពីការបង្កើតគម្រោងអភិវឌ្ឍន៍សមត្ថភាពនវានុវត្តន៍និងសូចនាករឱ្យបានច្បាស់លាស់ដែលឆ្លើយតបនឹងបញ្ហាប្រឈមជាកស្ដែងនៅក្នុងអង្គភាពនីមួយៗ។ កិច្ចនេះ មានការអញ្ជើញចូលរួមពីឯកឧត្តម លោកជំទាវ រដ្ឋលេខាធិការ អនុរដ្ឋលេខាធិការ ថ្នាក់ដឹកនាំ និងមន្ត្រីមកពីក្រសួងស្ថាប័ន និងភាគីពាក់ព័ន្ធទាំងអស់។
